കിടപ്പുരോഗിയായ ഭര്‍ത്താവിന്റെ കഴുത്ത് മുറിച്ച ശേഷം ഭാര്യ ജീവനൊടുക്കി. ഇടുക്കി കുളമാവ് കരിപ്പിലങ്ങാടിയിലാണ് സംഭവം. കുളപ്പുറത്ത് സുകുമാരന്റെ ഭാര്യ മിനിയാണ് മരിച്ചത്. കഴുത്തില്‍ സാരമായി പരിക്കേറ്റ സുകുമാരന്‍ ഗുരുതരാവസ്ഥയില്‍ ചികിത്സയിലാണ്. അല്‍ഷിമേഴ്സ് രോഗിയായ സുകുമാരന്‍ കഴിഞ്ഞ മൂന്നു വര്‍ഷമായി കിടപ്പിലാണ്. റിട്ട. റെയില്‍വേ ഉദ്യോഗസ്ഥനാണ്.
അതേസമയം കോഴിക്കോട് യുവതിയെ വിവാഹവാഗ്ദാനം നല്‍കി പീഡിപ്പിച്ച കേസില്‍ പ്രതി പിടിയിലായി. കോഴിക്കോട് ശിവപുരം ചെങ്കുന്നത്ത് അരുണ്‍കുമാറാണ് (28) അറസ്റ്റിലായത്. പത്തനംതിട്ട സ്വദേശിനിയെ പലതവണ പീഡിപ്പിച്ചശേഷം ഇയാള്‍ വിവാഹവാഗ്ദാനത്തില്‍ നിന്ന് പിന്‍മാറിയെന്ന് കടവന്ത്ര പൊലീസ് അറിയിച്ചു. യുവതി പരാതി നല്‍കിയതിനെത്തുടര്‍ന്നാണ് അറസ്റ്റ്.