താഴത്തില്ല! സംസ്ഥാനത്ത് സ്വര്‍ണ്ണവില കുതിപ്പ് തുടരുന്നു

സംസ്ഥാനത്ത് സ്വര്‍ണ്ണവില കുതിപ്പ് തുടരുന്നു. ഈയാഴ്ചയിലെ രണ്ടാമത്തെ ദിവസവും സ്വര്‍ണ്ണവില കൂടിയിട്ടുണ്ട്. ഇന്ന് പവന് 520 രൂപയാണ് വര്‍ദ്ധിച്ചത്. ഗ്രാമിന് 65 രൂപയും കൂടി. രണ്ടുദിവസം കൊണ്ട് സ്വര്‍ണത്തിന് 760 രൂപയുടെ വര്‍ധനവാണ് ഉണ്ടായത്. ഒരുപവന്‍ സ്വര്‍ണ്ണത്തിന്റെ വില 64280 രൂപയായി. ഗ്രാമിന് 8035 രൂപയാണ് വില.

കഴിഞ്ഞ ദിവസം ഒരുപവന്‍ സ്വര്‍ണ്ണത്തിന്റെ വില 63760 രൂപയും ഗ്രാമിന് 7970 രൂപയുമായിരുന്നു. ഫെബ്രുവരി മൂന്നിനായിരുന്നു ഈ മാസത്തെ ഏറ്റവും കുറഞ്ഞ സ്വര്‍ണവില. 61640 രൂപയായിരുന്നു അന്നത്തെ വില. അതേസമയം ഏറ്റവും ഉയര്‍ന്ന വില ഫെബ്രുവരി 11ന് രേഖപ്പെടുത്തി. അറുപ64480 രൂപയായിരുന്നു അന്നത്തെ വില.