ഐപിഎല്ലില്‍ ഫ്രാഞ്ചൈസികള്‍ക്ക് നിലനിര്‍ത്താവുന്ന കളിക്കാരെ പ്രഖ്യാപിക്കാനുള്ള സമയപരിധി അടുത്തിരിക്കെ റിട്ടെന്‍ഷന്‍ നയത്തില്‍ ചെറിയ മാറ്റം വരുത്തി ബിസിസിഐ. അഞ്ച് ക്യാപ്ഡ് താരങ്ങളെയും ഒരു അണ്‍ ക്യാപ്ഡ് താരത്തെയുമാണ് മെഗാതാരലേലത്തിന് മുന്‍പായി നിലനിര്‍ത്താന്‍ ടീമുകള്‍ക്ക് അനുവാദമുള്ളത്. ഇതില്‍ നിലനിര്‍ത്തുന്ന ആദ്യ താരത്തിന് 18 കോടിയും രണ്ടാമത്തെ താരത്തിന് 14 കോടിയും മൂന്നാമത്തെ താരത്തിന് 11 കോടിയും നാലാമത്തെ താരത്തിന് 18 കോടിയും അഞ്ചാമത്തെ താരത്തിന് 14 കോടിയുമാണ് ബിസിസിഐ നിശ്ചയിച്ചിരുന്നത്. അണ്‍ക്യാപ്ഡ് താരത്തിന് 4 കോടിയായും നിശ്ചയിക്കപ്പെട്ടിരുന്നു.
