ടി20 ലോകകപ്പിലെ മറ്റൊരു ലോ സ്‌കോര്‍ ത്രില്ലര്‍ മത്സരമായിരുന്നു ഇന്നലെ ബംഗ്ലാദേശും ദക്ഷിണാഫ്രിക്കയും തമ്മില്‍ നടന്നത്. ന്യൂയോര്‍ക്കിലെ അപ്രവചനീയമായ ബൗണ്‍സുള്ള പിച്ചില്‍ ബൗളിംഗ് നിരയ്ക്ക് മികച്ച പിന്തുണ ലഭിക്കുന്നതിനാല്‍ തന്നെ ബാറ്റര്‍മാര്‍ക്ക് മത്സരത്തില്‍ മികച്ച പ്രകടനം നടത്താനാകില്ല എന്നതുറപ്പായിരുന്നു. എന്നാല്‍ ഒരുഘട്ടത്തില്‍ 23 റണ്‍സിന് 4 വിക്കറ്റെന്ന നിലയില്‍ നിന്ന ദക്ഷിണാഫ്രിക്കയെ രക്ഷിച്ചെടുത്തത് ഹെന്റിച്ച് ക്ലാസന്റെയും ഡേവിഡ് മില്ലറുടെയും പ്രകടനങ്ങളായിരുന്നു. ഇപ്പോഴിതാ മത്സരശേഷം ലോകകപ്പിലെ ബാറ്റിംഗ് സമീപനത്തെ പറ്റി വ്യക്തമാക്കിയിരിക്കുകയാണ് ദക്ഷിണാഫ്രിക്കന്‍ താരമായ ഹെന്റിച്ച് ക്ലാസന്‍.
