ഇന്ത്യക്കാര്‍ അശ്ലീലചിത്രങ്ങള്‍ കാണുന്നതില്‍ വിരുതന്മാരാണ് എന്നാണ് കുറച്ചുനാള്‍ മുമ്പ് വരെ ഗൂഗിള്‍ പറഞ്ഞുകൊണ്ടിരുന്നത്. എന്നാല്‍ ലോകരാജ്യങ്ങള്‍ തമ്മിലുള്ള ഈ കിടമത്സരത്തില്‍ ഇപ്പോള്‍ കപ്പടിച്ചിരിക്കുന്നത് പാകിസ്ഥാനാണ്. ലോകത്ത് ഏറ്റവും കൂടുതല്‍ ആളുകള്‍ അശ്ലീല സൈറ്റുകളില്‍ എത്തുന്നത് പാകിസ്ഥാനില്‍ നിന്നാണെന്നാണ് ഇപ്പോള്‍ ഗൂഗിള്‍ പറയുന്നത്. അയല്‍ക്കാരന്റെ അശ്ലീല താല്‍പ്പര്യങ്ങള്‍ ഗൂഗിള്‍ പറഞ്ഞതുകേട്ട് നാണിച്ചു നില്ക്കേ‍ണ്ട ഗതികേടിലാണ് ഇപ്പോള്‍ ആഗോള പോണ്‍ സിനിമാ നിര്‍മ്മാതാക്കള്‍. കാരണം അവര്‍ മനസില്‍ പോലും കാണത്ത പല കാര്യങ്ങളും ചോദിച്ചുകൊണ്ടാണത്രെ പാകിസ്ഥാനികള്‍ ഗൂഗിളിനെ ‘ബുദ്ധിമുട്ടിക്കുന്നത്‘.
മതത്തിന്റെ ചട്ടക്കൂടില്‍ ജീവിക്കുന്നവരാണെന്ന് അവകാശപ്പെടുന്നവരാണല്ലോ പാകിസ്ഥാനികള്‍. അതും 'ഇത്തരം' കാര്യങ്ങള്‍ക്ക് ഏറെ നിയന്ത്രണമുള്ള ഇസ്ലാം മതത്തില്‍. ഈ കാര്യങ്ങള്‍ക്കെല്ലാം കടുത്ത നിയന്ത്രണങ്ങളും, വിലക്കുകളുമുള്ള അവിടത്തെ കാര്യം ഇങ്ങനെയാണെങ്കില്‍ ബാക്കിയുള്ള സ്ഥലങ്ങളിലെ കാര്യങ്ങള്‍ പറയേണ്ടതുണ്ടോ?. പാകിസ്ഥാനില്‍ സ്വവര്‍ഗാനുരാഗം നിയമപ്രകാരം കുറ്റകരമാണ്. രണ്ട് മുതല്‍ 10 വര്‍ഷം വരെ തടവുശിക്ഷ ലഭിക്കാവുന്ന കുറ്റമാണിത്. എന്നാല്‍ ഗൂഗിളില്‍ സ്വവര്‍ഗ ലൈംഗികത ഇന്‍ര്‍നെറ്റില്‍ തിരയുന്ന കാര്യത്തില്‍ പാകിസ്ഥാന്‍ പാശ്ചാത്യ രാജ്യങ്ങളെ ബഹുദൂരം പിന്നിലാക്കി!.
ഉഭയലിംഗത്തില്‍പ്പെട്ടവരുടെ ലൈംഗികകേളികള്‍ തിരയുന്നവരിലും പാകിസ്ഥാനികളാണ് ഒന്നാമത്. ‘ഷിമെയില്‍ സെക്‌സ് ‘ എന്ന് പാകിസ്ഥാനികള്‍ തിരയുന്നതു കണ്ട് കനിവുതോന്നി ഗൂഗിള്‍ അവര്‍ക്ക് 100 ശതമാനം റേറ്റിംഗാണ് ഇക്കാര്യത്തില്‍ നല്‍കിയിരിക്കുന്നത്. കൂട്ടത്തില്‍ പ്രകൃതിവിരുദ്ധലൈംഗിക കേളികളില്‍ പാകിസ്ഥാനികളുടെ താല്‍പ്പര്യം അതിരു കടക്കുന്നുമുണ്ട്. മനുഷ്യരുടേതു മാത്രമല്ല മൃഗങ്ങളുടെ വേഴ്ചകള്‍ വരെ കാണാന്‍ താല്പര്യപൂര്‍വ്വം പോണ്‍ സൈറ്റുകളില്‍ കയറിയിറങ്ങാന്‍ പാകിസ്ഥാനികള്‍ക്ക് ഒരു മടിയുമില്ല.
എന്നാല്‍ ഇതൊക്കെ വായിച്ച് പാകിസ്ഥാനികളെ പുഛിക്കാന്‍ വരട്ടെ... ഇന്ത്യയും ഇക്കാര്യത്തില്‍ അത്രക്ക് പിന്നിലൊന്നുമല്ല. അശ്ലീലം തിരയുന്നതില്‍ ഇന്ത്യയ്ക്ക് മാന്യമായ ‘ഏഴാം സ്ഥാന‘മാണ് ഗൂഗിള്‍ കല്‍‌പ്പിച്ച് തന്നിരിക്കുന്നത്. ഇന്ത്യയിലെ സ്കൂള്‍ വിദ്യാര്‍ത്ഥികളില്‍ അമ്പതുശതമാനത്തോളം ആണ്‍കുട്ടികള്‍ അശ്ലീലം കാണുന്നുണ്ടെന്നാണ് റിപ്പോര്‍ട്ട്. വിദ്യാര്‍ത്ഥിനികളില്‍ 30 ശതമാനവും അശ്ലീലം കാണുന്നവരാണത്രെ! ഇന്ത്യക്കാര്‍ ഏറ്റവും കൂടുതല്‍ കാണാന്‍ ആഗ്രഹിക്കുന്നത് ഉഭയലിംഗ ലൈഗികതയാണെന്നു മാത്രം. രാജ്യത്തിന്റെ കണക്ക് വിട്ട്, നഗരങ്ങളുടെ കണക്കെടുത്താല്‍ ചിലപ്പോള്‍ ഇന്ത്യ പാകിസ്ഥാനെ വെട്ടിക്കും എന്നാണ് തോന്നുന്നത്. ചെന്നൈയും, മുംബൈയും, ബംഗളൂരുവും പൂനെയും ഒക്കെ ആണ് ലാഹോറിന് പിറകില്‍ ഉള്ളത്.