കുവൈറ്റ് ദുരന്തത്തിന് കാരണം ഷോര്‍ട്ട് സര്‍ക്യൂട്ടെന്ന് സ്ഥിരീകരിച്ചു. കുവൈറ്റ് അഗ്നിരക്ഷാ സേനയാണ് ഇക്കാര്യം വ്യക്തമാക്കിയത്. പുലര്‍ച്ചെ നാലരയോടെ തീ പിടിക്കുമ്പോള്‍ ക്യാമ്ബിലുള്ളവരെല്ലാം ഉറക്കത്തിലായിരുന്നു. തീപിടുത്തത്തിനു പിന്നാലെ വ്യാപിച്ച പുക ശ്വസിച്ചതാണ് മരണ സംഖ്യ കൂടാന്‍ കാരണമായത്. രണ്ടുപേര്‍ മാത്രമാണ് പൊള്ളലേറ്റ് മരണപ്പെട്ടത്. ബാക്കിയുള്ളവര്‍ പുക ശ്വസിച്ചാണ് മരിച്ചത്. ഫ്ളാറ്റില്‍ മുറികള്‍ തമ്മില്‍ വേര്‍തിരിക്കാന്‍ ഉപയോഗിച്ചിരുന്ന വസ്തുക്കള്‍ വേഗത്തില്‍ കത്തിയത് വലിയ തോതില്‍ പുക ഉയരാന്‍ കാരണമായി.
