ഫ്രാൻസ് ദേശീയ ടീമിൻ്റെ നായകനായി സൂപ്പർ താരം കിലിയൻ എംബാപ്പെയെ തെരെഞ്ഞെടുത്തു. മുൻ ഫ്രഞ്ച് നായകനും ടോട്ടന്നം ഗോൾ കീപ്പറുമായ ഹ്യൂഗോ ലോറിസ് രാജ്യാന്തര ഫുട്ബോളിൽ നിന്നും വിരമിച്ചതോടെയാണ് പുതിയ നായകനായി എംബാപ്പെ ചുമതലയേൽക്കുന്നത്. ഫ്രഞ്ച് പരിശീലകനായ ദിദിയർ ദെഷാംപ്സുമായുള്ള കൂടിക്കാഴ്ചയ്ക്ക് ശേഷമാണ് ഇക്കാര്യത്തിൽ തീരുമാനമായതെന്നാണ് റിപ്പോർട്ടുകൾ.
