ശ്രേയസിന്റെ പരുക്കില്‍ ആശങ്കപ്പെടേണ്ട സാഹചര്യമില്ല. ഐസിയു ചികിത്സയില്‍ നിന്ന് ഇന്നലെ താരത്തെ മാറ്റി. ചെറിയ ശസ്ത്രക്രിയ ആയതിനാല്‍ അഞ്ച് ദിവസത്തെ വിശ്രമം മതി. ഒരാഴ്ചയ്ക്കുള്ളില്‍ താരത്തെ ഡിസ്ചാര്‍ജ് ചെയ്യുമെന്നും ക്രിക്ബസ് റിപ്പോര്‍ട്ടില്‍ പറയുന്നു. ബിസിസിഐയുടെ നിര്‍ദേശപ്രകാരം ബോര്‍ഡിന്റെ ഒരു ഡോക്ടര്‍ ശ്രേയസിനൊപ്പം സിഡ്‌നിയിലെ ആശുപത്രിയില്‍ ഉണ്ട്. ശ്രേയസിന്റെ കുടുംബത്തില്‍ നിന്ന് ഒരാള്‍ക്ക് സിഡ്‌നിയിലെത്താന്‍ ബിസിസിഐ സൗകര്യങ്ങള്‍ ഒരുക്കിയിട്ടുണ്ടെന്നാണ് വിവരം. ട്വന്റി 20 പരമ്പര കഴിഞ്ഞ ശേഷം മടങ്ങുന്ന ഇന്ത്യന്‍ ടീമിനൊപ്പം ആകും ശ്രേയസും നാട്ടിലേക്ക് തിരിക്കുക.
