നാളെ തീയറ്റുറുകളിലെത്താനിരുന്ന ടൊവിനൊ ചിത്രം തീവണ്ടിയുടെ റിലീസ് നീട്ടി വച്ചു. തീവണ്ടി ഇനി പെരുന്നാൾ ചിത്രമായേ റിലീസിനെത്തു. ഫെലിനി സി പി സംവിധാനം ചെയ്യുന്ന ചിത്രം നളെ റിലീസിനെത്തും എന്നാണ് ആദ്യം അറിയിച്ചിരുന്നത്. എന്നാൽ ചിത്രം പെരുന്നാളിൽ തീയറ്ററുകളിലെത്തിക്കാൻ അണിയറ പ്രവർത്തകർ പിന്നീട് തീരുമാനം എടുക്കുകയായിരുന്നു.
നവാഗതയായ സംയുക്ത മേനോനാണ് ചിത്രത്തിൽ ടൊവിനോയുടെ നായിക. സുരാജ് വെഞ്ഞാറമൂടും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ആഗസ്റ്റ് സിനിമാസാണ് ചിത്രം നിർമ്മിക്കുന്നത്. ചിത്രത്തിന്റെ തിരക്കഥാകൃത്തായ വിനി വിശ്വലാലാണ് ഫേസ്ബുക്കിലൂടെ ചിത്രത്തിന്റെ റിലീസിങ്ങ് നീട്ടിവച്ച വിവരം അറിയിച്ചത്.