രാമായണത്തിലെ സീതയായി വേഷമിടാന്‍ സായ് പല്ലവിക്ക് അവസരം ലഭിച്ചുവെന്ന വാര്‍ത്തകള്‍ പ്രചരിക്കുന്നുണ്ട്.രണ്‍ബീര്‍ കപൂര്‍, സായ് പല്ലവി, യാഷ് എന്നിവരെ പ്രധാന കഥാപാത്രങ്ങളാക്കി ദങ്കല്‍ സംവിധായകനായ നിതേഷ് തിവാരിയാണ് സിനിമ ഒരുക്കുന്നത്.അയോധ്യയില്‍ ചിത്രത്തിന്റെ സെറ്റ് ഉയര്‍ന്നു കഴിഞ്ഞു.രാമായണത്തെ ആസ്പദമാക്കി ഒടുവില്‍ പുറത്തിറങ്ങിയ ആദിപുരുഷ് വന്‍ പരാജയമായി മാറിയിരുന്നു. അതുകൊണ്ടുതന്നെ വളരെ സൂക്ഷമതയോടെയാണ് ഇപ്പോള്‍ രാമായണ സിനിമ ഒരുങ്ങുന്നത്. നിശബ്ദമായാണ് കാസ്റ്റിംഗ് അടക്കമുള്ള കാര്യങ്ങള്‍ നടക്കുന്നത്. ഒരു വിവരവും നിര്‍മ്മാതാക്കള്‍ പുറത്തുവിടാന്‍ ഇഷ്ടപ്പെടുന്നില്ല.
രാമനായി വേഷമിടാന്‍ രണ്‍ബീറിന് ഓരോ ഭാഗത്തിനും 75 കോടി വെച്ച് നടന്‍ വാങ്ങും. നടന്റെ ഒടുവില്‍ റിലീസിയ അനിമല്‍ 900 കോടിയാണ് ആഗോള തലത്തില്‍ നേടിയത്. 250 കോടി രൂപയാണ് മൂന്ന് ഭാഗങ്ങള്‍ക്ക് വേണ്ടി രണ്‍ബീര്‍ ആവശ്യപ്പെട്ടിരിക്കുന്നത്. നടന്റെ മുന്‍ ചിത്രമായ ബ്രഹ്‌മാസ്ത്രയെ അപേക്ഷിച്ച് പ്രതിഫലത്തില്‍ 200 ശതമാനം വര്‍ധനവാണ് ഉണ്ടായിരിക്കുന്നത്.70 കോടിയാണ് രണ്‍ബീര്‍ ആനിമലിനായി വാങ്ങിയത്.
ദക്ഷിണേന്ത്യയില്‍ നയന്‍താര ഉള്‍പ്പെടെയുള്ള നായികമാരെ പ്രതിഫലത്തില്‍ മറികടന്നിരിക്കുകയാണ് സായ് പല്ലവി. ബോളിവുഡിലെ ചില താരങ്ങളെയും നടി പിന്നിലാക്കി.18-20 കോടിക്കും ഇടയിലാണ് നടിക്ക് ലഭിക്കുന്ന പ്രതിഫലം. 6 കോടി വെച്ച് ഓരോ ഭാഗത്തിനായി നടി വാങ്ങും. യഷിന് ലഭിക്കുന്ന പ്രതിഫലം 150 കോടിയാണ്.