ആടുജീവിതം ഷൂട്ടിംഗ് കാരണം ഇത് രണ്ടാം തവണയാണ് വിവാഹവാര്‍ഷികം ഒന്നിച്ച് പൃഥ്വിരാജിനും സുപ്രിയ മേനോന്‍ ആഘോഷിക്കാന്‍ പറ്റാതെ പോയത്. ചിത്രീകരണം ഉടന്‍ അവസാനിക്കുമെന്നും ശേഷം ഒന്നിച്ച് വെഡിങ് ആനിവേഴ്‌സറി ആഘോഷിക്കാമെന്നും സുപ്രിയ പറയുന്നു. ഇന്ന് രണ്ടാളുടെയും പതിനൊന്നാം വിവാഹ വാര്‍ഷികമാണ്.
'11-ാം വാര്‍ഷിക ആശംസകള്‍ പി! നിങ്ങള്‍ വീണ്ടും ആടുജീവിതത്തിന്റെ ഷൂട്ടിംഗിന് പോയിക്കഴിഞ്ഞു, 11 വര്‍ഷത്തിനിടെ ഇത് രണ്ടാം തവണയാണ് ഈ പ്രത്യേക ദിനത്തില്‍ നമ്മള്‍ വേര്‍പിരിയുന്നത്! ആടുജീവിതം ഉടന്‍ അവസാനിക്കുമെന്ന് പ്രതീക്ഷിക്കുന്നു, നമുക്ക് ആഘോഷിക്കാം! ഉടനെ തിരിച്ചു വരൂ'- സുപ്രിയ മേനോന്‍ കുറിച്ചു.