ടി20 ലോകകപ്പിലെ സൂപ്പര്‍ എട്ട് പോരാട്ടത്തില്‍ ഇന്ത്യക്കെതിരെ പരാജയപ്പെട്ടതിന് പിന്നാലെ ഇന്ത്യന്‍ നായകന്‍ രോഹിത് ശര്‍മയുടെ പ്രകടനത്തെ പ്രശംസിച്ച് ഓസ്‌ട്രേലിയന്‍ നായകന്‍ മിച്ചല്‍ മാര്‍ഷ്. രോഹിത് ശര്‍മ ഈ ഫോമില്‍ കളിക്കുമ്പോള്‍ അദ്ദേഹത്തെ പോലെ ഒരു താരത്തെ തടയുക പ്രയാസകരമാണെന്ന് മാര്‍ഷ് വ്യക്തമാക്കി. മത്സരത്തില്‍ 42 പന്തില്‍ 92 റണ്‍സാണ് മാര്‍ഷ് അടിച്ചെടുത്തത്.
ഈ പരാജയം നിരാശപ്പെടുത്തുന്നതാണ്. ക്രിക്കറ്റില്‍ ഇങ്ങനെ സംഭവിക്കും. പ്രത്യേകിച്ചും 40 ഓവര്‍ മാത്രമുള്ള മത്സരങ്ങളില്‍. ഇന്ത്യ ഇന്ന് മികച്ച ടീമായിരുന്നു. രോഹിത് മികച്ച കളിക്കാരനാണെന്ന് എല്ലാവര്‍ക്കും അറിയാവുന്നതാണ്. ഈ ഫോമില്‍ കളിക്കുന്ന രോഹിത്തിനെ പിടിച്ചുകെട്ടുക എളുപ്പമല്ല. രോഹിത് ഇന്ത്യയുടെ വിജയത്തിന്റെ ക്രെഡിറ്റ് അര്‍ഹിക്കുന്നു. ഇന്ത്യയുടെ ബൗളര്‍മാരും മികച്ച പ്രകടനമാണ് കാഴ്ചവെച്ചത്. മാര്‍ഷ് മത്സരശേഷം പറഞ്ഞു.