99-1 എന്ന ശക്തമായ നിലയില്‍ നിന്നാണ് ബംഗ്ലാദേശ് തോല്‍വിയുടെ പടുകുഴിയിലേക്ക് വീണത്. 61 പന്തില്‍ 62 റണ്‍സ് നേടിയ തന്‍സിദ് ഹസനും 26 പന്തില്‍ 23 റണ്‍സ് നേടിയ നജ്മുല്‍ ഹൊസൈന്‍ ഷാന്റോയും ചേര്‍ന്ന് ബംഗ്ലാദേശിന്റെ തുടക്കം സുരക്ഷിതമാക്കിയതാണ്. എന്നാല്‍ പിന്നീട് കണ്ടത് ബംഗ്ലാ ആരാധകരെ നാണംകെടുത്തുന്ന വിധമുള്ള കൂട്ടത്തകര്‍ച്ച !
ലിറ്റണ്‍ ദാസ് (പൂജ്യം), തന്‍സിദ് ഹസന്‍ (62), തൗഹിദ് ഹ്രിദോയ് (ഒന്ന്), മെഹ്ദി ഹസന്‍ മിറാഷ് (പൂജ്യം), തന്‍സിം ഹസന്‍ സാക്കിബ് (ഒന്ന്), തസ്‌കിന്‍ അഹമ്മദ് (ഒന്ന്) എന്നിവരാണ് നജ്മുല്‍ ഹുസൈനു പിന്നാലെ കൂടാരം കയറിയത്. 64 പന്തില്‍ 51 റണ്‍സ് നേടിയ ജേകര്‍ അലിയുടെ ചെറുത്തുനില്‍പ്പും ഫലംകണ്ടില്ല. ശ്രീലങ്കയ്ക്കായി വനിന്ദു ഹസരംഗ നാലും കമിന്ദു മെന്‍ഡിസ് മൂന്നും വിക്കറ്റുകള്‍ വീഴ്ത്തി. 123 പന്തില്‍ 106 റണ്‍സ് നേടിയ നായകന്‍ ചരിത് അസലങ്കയാണ് ശ്രീലങ്കയുടെ ടോപ് സ്‌കോറര്‍.
