ആഭ്യന്തര ക്രിക്കറ്റിലും അന്താരാഷ്ട്ര തലത്തിലും മികവറിയിച്ച കളിക്കാരനാണെങ്കിലും പലപ്പോഴും സര്‍ഫറാസ് ഖാനെന്ന ക്രിക്കറ്ററെ വിമര്‍ശകര്‍ താഴ്ത്തിക്കെട്ടാറുള്ളത് താരത്തിന്റെ ശരീരം വെച്ചാണ്. ആവശ്യത്തിലധികം ഭാരമുള്ള സര്‍ഫറാസിന് മതിയായ ഫിറ്റ്നസില്ലെന്ന് ഒരുകൂട്ടം വിമര്‍ശകര്‍ പറയുമ്പോള്‍ ഗവാസ്‌കര്‍ അടക്കമുള്ള പല മുന്‍താരങ്ങളും അയാള്‍ റണ്‍സ് സ്‌കോര്‍ ചെയ്യുന്നുണ്ടെങ്കില്‍ അയാളുടെ ശരീരം നോക്കേണ്ടതില്ല എന്ന് പറയുന്നവരാണ്.
