ഇംഗ്ലണ്ട് ഇന്നിങ്‌സിന്റെ 32-ാം ഓവറിലായിരുന്നു സംഭവം. ഈ ഓവറില്‍ ഹര്‍ഷിത് എറിഞ്ഞ നാലാം പന്തിനു ശേഷം ഓവര്‍ത്രോയിലൂടെ ഇന്ത്യ നാല് റണ്‍സ് വഴങ്ങുകയായിരുന്നു. ജോസ് ബട്‌ലര്‍ ആയിരുന്നു ഈ സമയത്ത് ക്രീസില്‍. തന്റെ കൈകളിലേക്ക് എത്തിയ പന്ത് റാണ വിക്കറ്റിലേക്ക് എറിയുകയായിരുന്നു. എന്നാല്‍ ബട്‌ലര്‍ ഈ സമയത്ത് ക്രീസില്‍ കൃത്യമായി കയറി. റാണയുടെ ത്രോ തടുക്കാന്‍ ഇന്ത്യന്‍ വിക്കറ്റ് കീപ്പര്‍ കെ.എല്‍.രാഹുലിനും സാധിച്ചില്ല. പന്ത് നേരെ ബൗണ്ടറിയിലേക്ക്. ഇതിനു പിന്നാലെ രോഹിത് കുപിതനായി.
' നിനക്ക് ബുദ്ധിയില്ലേ? തലയ്ക്കകത്ത് എന്താണ്? എന്താണ് നീ കാണിക്കുന്നത്,' രോഹിത് റാണയോടു ചോദിച്ചു. രോഹിത് വഴക്കു പറയുമ്പോള്‍ ചെറിയൊരു ചിരിയോടെ ഒന്നും പ്രതികരിക്കാതെ റാണ നടന്നു പോകുകയും ചെയ്തു. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്.