ശ്രീലങ്കയ്ക്ക് ജയിക്കാന്‍ രണ്ട് പന്തില്‍ രണ്ട് റണ്‍സ് വേണ്ടപ്പോള്‍ ഒരു വിക്കറ്റിനു സാധ്യതയാണ് ഇന്ത്യന്‍ വിക്കറ്റ് കീപ്പര്‍ റിഷഭ് പന്ത് കളഞ്ഞുകുളിച്ചത്. അര്‍ഷ്ദീപ് എറിഞ്ഞ അവസാന ഓവറിലെ അഞ്ചാം പന്തിലായിരുന്നു സംഭവം. ശ്രീലങ്കന്‍ നായകന്‍ ഷനകയായിരുന്നു ക്രീസില്‍. അര്‍ഷ്ദീപിന്റെ പന്ത് ഷനകയ്ക്ക് കളിക്കാന്‍ സാധിച്ചില്ല. അത് കൃത്യമായി വിക്കറ്റ് കീപ്പര്‍ റിഷഭ് പന്തിന്റെ കൈകളിലെത്തി. ജയിക്കാന്‍ രണ്ട് റണ്‍സ് മാത്രം വേണ്ടിയിരുന്നതിനാല്‍ ഷനക റണ്‍സിനായി ഓടി. നോണ്‍ സ്‌ട്രൈക്ക് എന്‍ഡില്‍ ഉണ്ടായിരുന്ന ബനുക രജപക്‌സെയ്ക്ക് സ്‌ട്രൈക്കര്‍ എന്‍ഡിലേക്ക് ഓടിയെത്താന്‍ സമയമുണ്ടായിരുന്നില്ല.
