ഇന്ത്യയുടെ ഫൈനല്‍ പ്രതീക്ഷകള്‍ 90 ശതമാനവും അസ്തമിച്ചിരിക്കുകയാണ്. എങ്കിലും നേരിയ സാധ്യതകള്‍ ഇനിയുമുണ്ട്. സൂപ്പര്‍ ഫോറില്‍ അഫ്ഗാനിസ്ഥാനോടും ഇന്ത്യയോടും ജയിച്ച ശ്രീലങ്ക ഫൈനല്‍ ഏറെക്കുറെ ഉറപ്പിച്ച മട്ടാണ്. ഇന്ത്യയോട് ജയിച്ച പാക്കിസ്ഥാന് ഇനി ശ്രീലങ്കയും അഫ്ഗാനിസ്ഥാനുമാണ് എതിരാളികള്‍. ഇതില്‍ ഏതെങ്കിലും ഒരു കളി ജയിച്ചാല്‍ പാക്കിസ്ഥാന് ഫൈനലില്‍ കയറും. ശ്രീലങ്കയോട് തോറ്റ അഫ്ഗാനിസ്ഥാന് പാക്കിസ്ഥാനും ഇന്ത്യയുമാണ് ഇനി എതിരാളികള്‍. ഈ രണ്ട് കളികളും ജയിച്ചാല്‍ അഫ്ഗാനിസ്ഥാന് ആകും ഫൈനലില്‍ കയറുക.
