ഇംഗ്ലണ്ടിനെതിരായ ട്വന്റി 20 പരമ്പരയിലെ ഒന്നാം മത്സരത്തിനുള്ള ഇന്ത്യന്‍ ടീമില്‍ മാത്രം സഞ്ജു സാംസണ്‍ ഇടംനേടി. ശേഷിക്കുന്ന രണ്ട് മത്സരങ്ങള്‍ക്കുള്ള ടീമില്‍ സഞ്ജു ഇല്ല. ഇംഗ്ലണ്ടിനെതിരായ ടെസ്റ്റ് മത്സരത്തിനു ശേഷം വിരാട് കോലി അടക്കമുള്ള മുതിര്‍ന്ന താരങ്ങള്‍ ട്വന്റി 20 സ്‌ക്വാഡിലേക്ക് തിരിച്ചെത്തും. അപ്പോള്‍ സഞ്ജു അടക്കമുള്ള യുവതാരങ്ങള്‍ക്ക് അവസരം നഷ്ടമാകും. മൂന്ന് മത്സരങ്ങളാണ് ട്വന്റി 20 പരമ്പരയിലുള്ളത്. ഇതില്‍ ആദ്യ ട്വന്റി 20 മത്സരത്തിനുള്ള സ്‌ക്വാഡില്‍ മാത്രമാണ് സഞ്ജു ഉള്ളത്. മറ്റ് രണ്ട് മത്സരങ്ങള്‍ക്കുമുള്ള സ്‌ക്വാഡില്‍ ഉള്‍പ്പെട്ടിട്ടില്ല. റിഷഭ് പന്ത് തിരിച്ചെത്തുന്നതുകൊണ്ടാണ് സഞ്ജുവിന് സ്ഥാനം നഷ്ടമാകുന്നത്.