ഒരു ദിവസം ശേഷിക്കെ 107 റണ്‍സ് എന്ന വിജയലക്ഷ്യത്തിലേക്ക് ന്യൂസിലന്‍ഡ് അനായാസമായി നടന്നടുക്കുകയായിരുന്നു. മത്സരത്തിന്റെ അഞ്ചാം ദിനത്തില്‍ ഡെവോണ്‍ കോണ്‍വെ, ടോം ലാഥം എന്നിവരെ പുറത്താക്കികൊണ്ട് ജസ്പ്രീത് ബുമ്ര ഇന്ത്യയ്ക്ക് മികച്ച തുടക്കം നല്‍കിയെങ്കിലും അതിലൊന്നും പതറാതെ തീര്‍ത്തും അനായസമായി തന്നെ ന്യൂസിലന്‍ഡ് ബാറ്റര്‍മാര്‍ വിജയത്തിലേക്ക് ബാറ്റ് വീശുകയായിരുന്നു. ന്യൂസിലന്‍ഡിനായി വില്‍ യങ്ങ് 48 റണ്‍സും രചിന്‍ രവീന്ദ്ര 39 റണ്‍സുമായി പുറത്താകാതെ നിന്നു. ആദ്യ ഇന്നിങ്ങ്‌സിലും സെഞ്ചുറിയുമായി തിളങ്ങിയ രചിന്‍ രവീന്ദ്രയുടെ പ്രകടനമാണ് മത്സരത്തില്‍ നിര്‍ണായകമായത്.
