ടെസ്റ്റ് ക്രിക്കറ്റില്‍ ഒരൊറ്റ സെഷന്‍ കൊണ്ട് കളിമാറ്റിമറിക്കാന്‍ സാധിക്കുന്ന ചുരുക്കം ചില താരങ്ങളില്‍ ഒരാളാണ് ഇന്ത്യയുടെ വിക്കറ്റ് കീപ്പര്‍ ബാറ്ററായ റിഷഭ് പന്ത്. ന്യൂസിലന്‍ഡിനെതിരായ ആദ്യ ടെസ്റ്റ് മത്സരത്തിലെ രണ്ടാം ഇന്നിങ്ങ്‌സിലെ തകര്‍പ്പന്‍ പ്രകടനം കൊണ്ട് പന്ത് അത് വീണ്ടും തെളിയിച്ചുകഴിഞ്ഞു. സര്‍ഫറാസ് ഖാനോടൊപ്പം നിര്‍ണായകമായ കൂട്ടുക്കെട്ട് സൃഷ്ടിച്ച റിഷഭ് പന്തിന് പക്ഷേ മത്സരത്തില്‍ അര്‍ഹതപ്പെട്ട സെഞ്ചുറി വെറും ഒരു റണ്‍സ് അകലത്തില്‍ നഷ്ടമായിരുന്നു.
