ന്യൂസിലന്‍ഡിനെതിരായ അവസാന ഏകദിനത്തിനിറങ്ങുന്ന ടീം ഇന്ത്യക്ക് ആശ്വാസവാര്‍ത്ത. പരുക്കിന്റെ പിടിയിലായ മഹേന്ദ്ര സിംഗ് ധോണി അഞ്ചാം മത്സരത്തിലുണ്ടാകുമെന്ന് ബാറ്റിംഗ് പരിശീലകനായ സഞ്ജയ് ബംഗാര്‍ വ്യക്തമാക്കി.
പിന്‍തുട ഞരമ്പിനേറ്റ ധോണിയുടെ പരുക്ക് ഭേദമായി. അദ്ദേഹം അവസാന ഏകദിനം കളിക്കുമെന്നതില്‍ സംശയമില്ലെന്നും സഞ്ജയ് ബംഗാര്‍ പറഞ്ഞു.
ധോണി തിരിച്ചെത്തുമ്പോള്‍ ദിനേഷ് കാര്‍ത്തിക്ക് പുറത്താകും. ഇരുവരെയും ഒരുമിപ്പിച്ച് കളിപ്പിക്കേണ്ടതില്ലെന്നാണ് തീരുമാനമെന്ന് പരിശീലകന്‍ രവി ശാസ്‌ത്രി വ്യക്തമാക്കി.