പരമ്പരയിലുടനീളം മികച്ച നിലയില്‍ പന്തെറിഞ്ഞ സിറാജ് 23 വിക്കറ്റുകളാണ് 5 ടെസ്റ്റ് മത്സരങ്ങളില്‍ നിന്നും നേടിയത്. സിറാജിന് പുറമെ ന്യൂസിലന്‍ഡ് പേസര്‍ മാറ്റ് ഹെന്റി, വെസ്റ്റിന്‍ഡീസ് പേസര്‍ ജയ്ഡന്‍ സീല്‍സ് എന്നിവരും പുരസ്‌കാരത്തിനുള്ള ചുരുക്കപ്പട്ടികയില്‍ ഇടം പിടിച്ചു. സിംബാബ്വെയ്‌ക്കെതിരായ ടെസ്റ്റ് പരമ്പരയില്‍ 2 ടെസ്റ്റുകളില്‍ നിന്നും 16 വിക്കറ്റുകളാണ് ഹെന്റി വീഴ്ത്തിയത്. അതേസമയം പാകിസ്ഥാനെതിരായ ഏകദിന പരമ്പരയിലെ മികച്ച പ്രകടനത്തോടെയാണ് ജെയ്ഡന്‍ സീല്‍സ് ചുരുക്കപ്പട്ടികയിലെത്തിയത്.
