ബിസിസിഐയുടെ നിര്‍ദേശത്തെ തുടര്‍ന്നാണ് പാക് ക്യാപ്റ്റനു കൈ കൊടുക്കാന്‍ ഹര്‍മന്‍പ്രീത് തയ്യാറാകാതിരുന്നത്. പാക്കിസ്ഥാനുമായുള്ള ബന്ധം ഇപ്പോഴും മോശം അവസ്ഥയില്‍ തന്നെയാണെന്ന് മത്സരത്തിനു മുന്‍പ് പരോക്ഷമായി ബിസിസിഐ സെക്രട്ടറി ദേവ്ജിത്ത് സൈക്കിയ പറഞ്ഞിരുന്നു. ബിബിസിയുടെ ചോദ്യത്തോടു പ്രതികരിക്കുകയായിരുന്നു അദ്ദേഹം. ' എനിക്ക് പ്രവചിക്കാനൊന്നും അറിയില്ല. എന്നാല്‍ ആ ശത്രു രാജ്യവുമായി (പാക്കിസ്ഥാന്‍) ഞങ്ങള്‍ക്കുള്ള ബന്ധം അതേപടി തുടരുന്നു. കഴിഞ്ഞ ഒരാഴ്ച കൊണ്ട് പ്രത്യേകിച്ച് മാറ്റമൊന്നും അതില്‍ ഉണ്ടായിട്ടില്ല,' സൈക്കിയ പറഞ്ഞു.
