ആരാധകരുടെ വിമര്‍ശനങ്ങള്‍ ശരിവയ്ക്കുന്നതാണ് പാക്കിസ്ഥാനെതിരായ രാഹുലിന്റെ പ്രകടനങ്ങളും. ട്വന്റി 20 ലോകകപ്പിലെ ആദ്യ മത്സരത്തില്‍ പാക്കിസ്ഥാന്‍ പേസ് നിരയ്ക്ക് മുന്നില്‍ രാഹുല്‍ കവാത്ത് മറന്നു. എട്ട് പന്തില്‍ നാല് റണ്‍സ് എടുത്താണ് രാഹുല്‍ കൂടാരം കയറിയത്. അതും നസീം ഷായുടെ പന്തില്‍ ക്ലീന്‍ ബൗള്‍ഡ് ആയി. സമാന രീതിയില്‍ തന്നെയാണ് ഏഷ്യാ കപ്പിലെ ആദ്യ കളിയിലും രാഹുല്‍ പുറത്തായത്. അന്ന് ഗോള്‍ഡന്‍ ഡക്ക് എന്ന നാണക്കേടും രാഹുലിന് നേരിടേണ്ടിവന്നു.
പാക്കിസ്ഥാനെതിരായ അവസാന നാല് കളികളില്‍ രണ്ടക്കം കണ്ടത് ഒരു തവണ മാത്രം. പാക്കിസ്ഥാന്‍ പേസ് ബൗളിങ്ങിന് മുന്നില്‍ രാഹുല്‍ പിടിച്ചുനില്‍ക്കാന്‍ കഴിയുന്നില്ലെന്നാണ് ആരാധകരുടെ വിമര്‍ശനം. മറ്റ് വമ്പന്‍ ടീമുകള്‍ക്കെതിരെയും രാഹുലിന്റെ പ്രകടനം ദയനീയമാണ്.