റാഞ്ചി ടെസ്റ്റിലെ സെഞ്ചുറി പ്രകടനത്തോടെ ഇന്ത്യക്കെതിരെ ടെസ്റ്റിൽ ഏറ്റവും കൂടുതൽ സെഞ്ചുറികൾ നേടിയ താരമെന്ന റെക്കോർഡ് സ്വന്തമാക്കി ഇംഗ്ലണ്ട് താരം ജോ റൂട്ട്. ഇന്ത്യക്കെതിരെ കളിച്ച 52 ഇന്നിങ്ങ്സുകളിൽ നിന്നും 10 സെഞ്ചുറികളാണ് റൂട് നേടിയത്. ഓസ്ട്രേലിയൻ താരം സ്റ്റീവ് സ്മിത്തിനെയാണ് റൂട്ട് പിന്നിലാക്കിയത്. 37 ഇന്നിങ്ങ്സുകളിൽ നിന്നും 9 സെഞ്ചുറികളാണ് സ്മിത്ത് ഇന്ത്യക്കെതിരെ നേടിയിട്ടുള്ളത്.
എട്ട് സെഞ്ചുറികൾ വീതം ഇന്ത്യക്കെതിരെ ടെസ്റ്റിൽ നേടിയിട്ടുള്ള വിൻഡീസ് താരങ്ങളായ ഗാരി സോബേഴ്സ്,വിവിയൻ റിച്ചാർഡ്സ്,ഓസീസ് താരം റിക്കി പോണ്ടിംഗ് എന്നിവരാണ് മൂന്നാം സ്ഥാനത്തുള്ളത്. സജീവ ക്രിക്കറ്റിൽ ഏറ്റവും കൂടുതൽ ടെസ്റ്റ് സെഞ്ചുറികൾ നേടിയ താരങ്ങളിൽ രണ്ടാം സ്ഥാനത്താണ് റൂട്ടിപ്പോൾ. 31 സെഞ്ചുറികളാണ് താരത്തിൻ്റെ അക്കൗണ്ടിലുള്ളത്. 32 ടെസ്റ്റ് സെഞ്ചുറികൾ വീതം നേടിയിട്ടുള്ള ഓസീസ് താരമായ സ്റ്റീവ് സ്മിത്ത് ന്യൂസിലൻഡ് താരമായ കെയ്ൻ വില്യംസൺ എന്നിവരാണ് പട്ടികയിൽ ഒന്നാമതുള്ളത്. 29 സെഞ്ചുറികളുള്ള ഇന്ത്യൻ താരം വിരാട് കോലി മൂന്നാം സ്ഥാനത്താണ്.
