ലോകകപ്പിനു മുന്നോടിയായുള്ള ഇന്ത്യയുടെ രണ്ടാം സന്നാഹ മത്സരം ഇന്ന് തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍. ഉച്ചയ്ക്ക് രണ്ട് മുതല്‍ നടക്കുന്ന മത്സരത്തില്‍ നെതര്‍ലന്‍ഡ്‌സാണ് ഇന്ത്യക്ക് എതിരാളികള്‍. ഇംഗ്ലണ്ടിനെതിരായ ഇന്ത്യയുടെ ആദ്യ സന്നാഹ മത്സരം മഴ മൂലം ഉപേക്ഷിച്ചിരുന്നു. ഇന്ന് തിരുവനന്തപുരത്തും മഴയ്ക്ക് സാധ്യതയുണ്ട്. ഒരു സന്നാഹ മത്സരം പോലും കളിക്കാതെ ഇന്ത്യക്ക് ലോകകപ്പില്‍ ഇറങ്ങേണ്ടി വരുമോ എന്നാണ് ആരാധകരുടെ ആശങ്ക.
