സെപ്റ്റംബര് 19ന് തുടങ്ങാനിരിക്കുന്ന ബംഗ്ലാദേശിനെതിരായ ടെസ്റ്റ് പരമ്പരയ്ക്ക് മുന്നോടിയായി ആഭ്യന്തര ക്രിക്കറ്റ് കളിക്കുകയാണ് ഇന്ത്യന്‍ ടീമിലെ താരങ്ങള്‍. ടെസ്റ്റ് പരമ്പരയിലെ തെരെഞ്ഞെടുപ്പില്‍ ദുലീപ് ട്രോഫിയിലെ പ്രകടനം നിര്‍ണായകമാകുമെന്ന് അറിയിച്ചതോടെ താരങ്ങളുടെ പ്രകടനം ഇന്ത്യന്‍ ടെസ്റ്റ് ടീം പ്രവേശനത്തില്‍ നിര്‍ണായകമാകും. ശുഭ്മാന്‍ ഗില്‍,റുതുരാജ് ഗെയ്ക്ക്വാദ്,ശ്രേയസ് അയ്യര്‍,കെ എല്‍ രാഹുല്‍,റിഷഭ് പന്ത് തുടങ്ങി എല്ലാ താരങ്ങളും ദുലീപ് ട്രോഫിയില്‍ കളിക്കുന്നുണ്ട്.
