പ്രണവ് നന്നായി പുകവലിക്കുന്ന ഒരാളാണ്, ഏട്ടനെ കാണാതെ മാറി നിന്ന് സിഗരറ്റ് വലിക്കുന്ന ധ്യാനും, ഇത് രണ്ടാളും അറിയാതെ 'വര്‍ഷങ്ങള്‍ക്കുശേഷം' പോസ്റ്റര്‍ ആയ കഥ !
പ്രണവ് മോഹന്‍ലാലും ധ്യാന്‍ ശ്രീനിവാസനും കാണുന്നതും അടുത്ത ഇടപഴകുന്നതും വര്‍ഷങ്ങള്‍ക്കുശേഷം എന്ന സെറ്റില്‍ വച്ചാണ്. ലൊക്കേഷനില്‍ താനും പ്രണവും തമ്മില്‍ പെട്ടെന്ന് ബോണ്ടാവാനുള്ള ഒരു കാരണം ഒരുമിച്ച് സിഗരറ്റ് വലിക്കാന്‍ തുടങ്ങിയതാണെന്ന് ധ്യാന്‍ പറയുന്നു. യാത്രകളും സംഗീതവും ഹരമായി കൊണ്ട് നടക്കുന്ന പ്രണവിനെക്കുറിച്ച് അറിയണമെങ്കില്‍ സിനിമയില്‍ കൂടെ അഭിനയിച്ചവര്‍ നടനെക്കുറിച്ച് പറയണം. പൊതുവേ അഭിമുഖങ്ങളില്‍ പ്രണവ് മുഖം കാണിക്കാറില്ല.
'ഷാരൂഖ് ഖാന്‍ പറയുന്നത് പോലെ കോഫി, കോണ്‍വര്‍സേഷന്‍, സിഗരറ്റാണ് ഞങ്ങളേയും അടുപ്പിച്ചതെന്ന് ധ്യാന്‍ ശ്രീനിവാസന്‍ പറയുന്നു. സംസാരം, ചായ, സിഗരറ്റ് ശരിക്കും ചെന്നൈ കള്‍ച്ചറാണ്. അപ്പു നന്നായി പുകവലിക്കുന്ന ഒരാളാണ്. ഞാനും നന്നായി പുകവലിക്കുന്ന ഒരാളാണ്. അതുകൊണ്ട് തന്നെ ഷൂട്ടിനിടയിലെ ബ്രേക്കില്‍ സിഗരറ്റ് വലിക്കുമ്പോഴൊക്കെ ഞങ്ങള്‍ ചര്‍ച്ചകള്‍ നടത്താറുണ്ട്.
സിനിമയെ കുറിച്ചല്ല മറ്റ് പല കാര്യങ്ങളുമാണ് ചര്‍ച്ച. അഭിനയിക്കുമ്പോള്‍ അഭിനയിക്കുകയാണെന്ന ഫീലിങ് ഞങ്ങള്‍ക്കിടയില്‍ ഉണ്ടായിട്ടില്ല. അതുപോലെ അടുത്തിടെ പുറത്തുവിട്ട ഈ സിനിമയുടെ ഒരു പോസ്റ്ററില്‍ ഞാനും അപ്പുവും സിഗരറ്റ് വലിച്ച് ചായയും കുടിച്ച് ഇരിക്കുന്നതായി കാണാം. അത് ഫോട്ടോയ്ക്കായി ഞങ്ങള്‍ പോസ് ചെയ്തതല്ല. ഞങ്ങള്‍ സിഗരറ്റ് വലിച്ച് ഇരിക്കുന്ന സമയത്ത് ക്രൂ സ്റ്റില്‍ എടുത്ത് പോസ്റ്ററാക്കിയതാണ്.ഏട്ടനെ കാണാനെ കാണാതെ മാറി നിന്നാണ് ഞാന്‍ സിഗരറ്റ് വലിക്കാറുള്ളത്. അപ്പുവിന് അതൊന്നും പ്രശ്‌നമല്ല. പക്ഷെ എനിക്ക് പ്രശ്‌നമായതുകൊണ്ട് അപ്പുവിനെയും കൊണ്ട് ഞാന്‍ മാറി നില്‍ക്കും',-എന്നാണ് ധ്യാന്‍ ശ്രീനിവാസന്‍ പറഞ്ഞത്.