അവനുമായി അടുപ്പിച്ചത് കോഫി,സംസാരം,സിഗരറ്റ്: പ്രണവുമായുള്ള സൗഹൃദത്തെ പറ്റി ധ്യാന്‍ ശ്രീനിവാസന്‍

Dhyan sreenivasan,Pranav Mohanlal

മലയാളികളുടെ ഏറെ നാളത്തെ കാത്തിരിപ്പിന് ശേഷം മറ്റൊരു വിനീത് ശ്രീനിവാസന്‍ സിനിമ കൂടി തിയേറ്ററുകളില്‍ പ്രദര്‍ശനത്തിന് തയ്യാറെടുക്കുകയാണ്. പ്രണവ് മോഹന്‍ലാല്‍, ധ്യാന്‍ ശ്രീനിവാസന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന സിനിമയില്‍ കല്യാണി പ്രിയദര്‍ശന്‍,നിവിന്‍ പോളി,നീരജ് മാധവ്,അജു വര്‍ഗീസ് തുടങ്ങി വമ്പന്‍ താരനിരയാണ് അണിനിരക്കുന്നത്. ഇപ്പോഴിതാ സിനിമയില്‍ സഹതാരമായ പ്രണവ് മോഹന്‍ലാലുമായി എങ്ങനെ എളുപ്പത്തില്‍ സൗഹൃദത്തിലായി എന്നത് വിശദമാക്കിയിരിക്കുകയാണ് സിനിമയിലെ നായകന്മാരില്‍ ഒരാളായ ധ്യാന്‍ ശ്രീനിവാസന്‍.

സംസാരം,കോഫി,സിഗരറ്റ് എന്നീ ഘടകങ്ങളാണ് തന്നെ പ്രണവ് മോഹന്‍ലാലുമായി എളുപ്പത്തില്‍ അടുപ്പിച്ചതെന്ന് ധ്യാന്‍ ശ്രീനിവാസന്‍ പറയുന്നു. അപ്പു അധികം സംസാരിക്കുന്ന ആളല്ല.അപ്പുവിന്റേതായ ഒരു സോണില്‍ നില്‍ക്കുന്നയാളാണെന്ന് സിനിമയുടെ ഷൂട്ടിന് മുന്‍പ് തന്നെ എനിക്ക് അറിയാമായിരുന്നു. അതുകൊണ്ട് തന്നെ തുടക്കം മുതല്‍ ആവശ്യമില്ലാത്തതും ഉള്ളതുമായ കാര്യങ്ങള്‍ പറഞ്ഞ് നമ്മള്‍ എന്താണെന്ന് ആദ്യമെ അപ്പുവിനെ അറിയിച്ചിരുന്നു. പതുക്കെ അപ്പുവും നമ്മുടെ സോണിലോട്ട് കയറി. പേഴ്‌സണല്‍ കാര്യങ്ങള്‍ ഷെയര്‍ ചെയ്യുന്ന സൗഹൃദമുണ്ടായി. അതിനാല്‍ തന്നെ ഒപ്പം പ്രവര്‍ത്തിക്കുക എന്നത് എളുപ്പമായിരുന്നു. സിനിമയില്‍ പെര്‍ഫോം ചെയ്യുമ്പോള്‍ ഒരു ഗിവ് ആന്റ് ടേക്ക് ഉണ്ടായിരുന്നു. അത് സ്വാഭാവികമായി സംഭവിച്ചതാണ്. അതിന് കാരണം ഓഫ്‌സ്‌ക്രീന്‍ കണക്ഷന്‍ തന്നെയാണ്.

ഷാറൂഖ് ഖാന്‍ പറയുന്ന പോലെ കോഫി,കോണ്‍വര്‍സേഷന്‍,സിഗരറ്റ് എന്നിവ തന്നെയാണ് ഞങ്ങളെയും അടുപ്പിച്ചത്. സംസാരം,ചായ,സിഗരറ്റ് എന്നത് ഒരു ചെന്നൈ കള്‍ച്ചറാണ്. അപ്പു നന്നായി പുക വലിക്കുന്ന ഒരാളാണ്. ഞാനും.അങ്ങനെ ഷൂട്ടിനിടയിലുള്ള ഇടവേളകളില്‍ സിഗരറ്റ് വലിക്കുമ്പോഴുള്ള സംസാരങ്ങള്‍ സ്ഥിരമായി. സിനിമയെ പറ്റിയല്ല മറ്റ് പല കാര്യങ്ങളെ പറ്റിയാണ് ചര്‍ച്ച. അഭിനയിക്കുമ്പോള്‍ അഭിനയിക്കുകയാണെന്ന് ഫീല്‍ ഞങ്ങള്‍ക്കിടയിലില്ല. ധ്യാന്‍ ശ്രീനിവാസന്‍ പറഞ്ഞു.