ചെറുപ്രായം മുതലേ മോഹന്‍ലാലിന് പുനീത് രാജ്കുമാറിനെ അടുത്തറിയാം. അദ്ദേഹത്തിന്റെ കുടുംബവുമായി അടുത്ത ബന്ധം സൂക്ഷിക്കുന്ന ആളാണ് ലാല്‍. തനിക്കൊരു ഇളയസഹോദരനെ നഷ്ടപ്പെട്ട പോലെ തോന്നുന്നുവെന്നും ഇപ്പോഴും ആ വാര്‍ത്ത വിശ്വസിക്കാന്‍ കഴിയുന്നില്ലെന്നും മോഹന്‍ലാല്‍ കുറിച്ചു.
'പുനീത് രാജ്കുമാറിന്റെ വിയോഗം വലിയ ആഘാതമാണ് സൃഷ്ടിച്ചിരിക്കുന്നത്. എനിക്ക് ഇപ്പോഴും ഈ വാര്‍ത്ത വിശ്വസിക്കാന്‍ പ്രയാസമാണ്. എനിക്ക് ഒരു ഇളയ സഹോദരനെ നഷ്ടപ്പെട്ടതുപോലെ തോന്നുന്നു. ഞാന്‍ അടുത്ത ബന്ധം പങ്കിടുന്ന അദ്ദേഹത്തിന്റെ കുടുംബത്തിലേക്കാണ് എന്റെ ചിന്തകളും പ്രാര്‍ത്ഥനകളും പോകുന്നത്. ഈ നികത്താനാവാത്ത നഷ്ടത്തെ അതിജീവിക്കാനുള്ള ശക്തിയും ആശ്വാസവും ഞാന്‍ അവര്‍ക്ക് നേരുന്നു'- മോഹന്‍ലാല്‍ കുറിച്ചു .