നടന് മാധവന്റെ സംവിധാന അരങ്ങേറ്റ ചിത്രമായ 'റോക്കട്രി: ദി നമ്പി ഇഫക്റ്റ്'ല്‍ മലയാള സിനിമ സംവിധായകന്‍ പ്രജേഷ് സെനും പ്രവര്‍ത്തിച്ചു.മാധവന്റെ ജന്മദിനമാണ് ഇന്ന്. അദ്ദേഹത്തിന് പിറന്നാള്‍ ആശംസകള്‍ നേര്‍ന്ന് പ്രജേഷ് സെന്‍.
'സെര്‍ബിയയിലെ ബെല്‍ഗ്രേഡ് നഗരത്തിലെ റോക്കട്രി ഷൂട്ട് ഡേയ്സില്‍ സംഗീതത്തിന്റെയും വീഞ്ഞിന്റെയും ഉല്ലാസത്തിന്റെയും ആഹ്ലാദകരമായ രാത്രിയില്‍ എന്നെ അത്ഭുതപ്പെടുത്തിയ സഹോദരന്‍, എനിക്ക് ഏറ്റവും മനോഹരമായ ജന്മദിന ട്രീറ്റ് സമ്മാനിച്ച മനുഷ്യന്‍, എന്റെ ജന്മദിനം എല്ലാ അര്‍ത്ഥത്തിലും സംഭവബഹുലമാക്കിയ സുഹൃത്ത്. വാക്ക്.. തൊഴിലിനോടും സുഹൃത്തുക്കളോടും ഭ്രാന്തമായി പ്രണയിക്കുന്നവന്‍, മാഡി എന്ന പേര് അതിന്റെ പൂര്‍ണ്ണ അര്‍ത്ഥത്തില്‍ നിങ്ങള്‍ സ്വന്തമാക്കി. നിങ്ങളോടൊപ്പം പ്രവര്‍ത്തിക്കാനും 'റോക്കട്രി' പോലൊരു വലിയ ക്യാന്‍വാസിന്റെ ഭാഗമാകാനും കഴിഞ്ഞതില്‍ സന്തോഷമുണ്ട്. നിങ്ങളോടൊപ്പമുള്ള ഓരോ നിമിഷവും ഓര്‍ക്കുന്നു, പ്രിയപ്പെട്ട ആര്‍. മാധവന്‍ നിങ്ങള്‍ക്ക് ജന്മദിനാശംസകള്‍ നേരുന്നു',-പ്രജേഷ് സെന്‍ കുറിച്ചു.