ഇന്ത്യന്‍ സിനിമയില്‍ ഇപ്പോള്‍ ഏറ്റവും താരമൂല്യമുള്ള നടന്‍‌മാരില്‍ മുന്നിലാണ് അക്ഷയ് കുമാര്‍. ഒരുപക്ഷേ ഖാന്‍ത്രയത്തിനും മുകളില്‍. ആക്ഷന്‍ ചിത്രങ്ങളിലും കോമഡിച്ചിത്രങ്ങളിലും നന്നായി തിളങ്ങുന്ന താരം ടി വി ഷോകളിലും മുന്നില്‍ നില്‍ക്കുന്നു. ഈ പ്രായത്തിലും ഒന്നാം നമ്പര്‍ ആക്ഷന്‍ താരമായി തിളങ്ങാന്‍ അക്ഷയ് കുമാറിന് കഴിയുന്നത് എങ്ങനെയെന്നോ? അതിന് പ്രധാന കാരണം അദ്ദേഹത്തിന്‍റെ ഭക്ഷണശീലങ്ങളാണ്.
എന്നാല്‍ എന്തൊക്കെയാണ് അക്ഷയ് കുമാറിന്‍റെ ഏറ്റെവും പ്രിയപ്പെട്ട ഭക്ഷണമെന്നറിഞ്ഞാല്‍ ഞെട്ടും. ഗോമൂത്രവും ആനപ്പിണ്ടച്ചായയുമാണ് തന്‍റെ ആരോഗ്യത്തിന്‍റെ പ്രധാന രഹസ്യങ്ങളിലൊന്നെന്ന് വെളിപ്പെടുത്തിയിരിക്കുകയാണ് അക്ഷയ്.
താന്‍ ദിവസവും മുടങ്ങാതെ ഗോമൂത്രം കുടിക്കാറുണ്ടെന്ന് ഡിസ്‌കവറി ചാനല്‍ താരം ബെയര്‍ ഗ്രില്‍സും നടി ഹുമ ഖുറേഷിക്കും ഒപ്പം നടത്തിയ പ്രത്യേക അഭിമുഖത്തില്‍ അക്ഷയ് കുമാര്‍ വെളിപ്പെടുത്തി. അക്ഷയ് ആനപ്പിണ്ടച്ചായ കുടിക്കുന്നതിനെക്കുറിച്ചും ബെയര്‍ ഗ്രില്‍‌സ് വെളിപ്പെടുത്തുന്നുണ്ട്.
ആനപ്പിണ്ടച്ചായ കുടിക്കുന്നത് വലിയ കാര്യമൊന്നുമല്ല എന്നാണ് അക്ഷയ് പറയുന്നത്. ദിവസവും ഗോമൂത്രം കുടിക്കുന്ന തനിക്ക് അത് നിസാരകാര്യമാണെന്നും അക്ഷയ് കുമാര്‍ വ്യക്തമാക്കുന്നു.