പാക്കിസ്ഥാന്‍ പൗരന്‍മാര്‍ മൃതദേഹത്തിനു ആദരമര്‍പ്പിക്കുന്നതും ശവപ്പെട്ടികളില്‍ പാക് ദേശീയ പതാക പുതപ്പിച്ചിരിക്കുന്നതുമായ ചില ദൃശ്യങ്ങള്‍ പുറത്തുവന്നിട്ടുണ്ട്. 'ഓപ്പറേഷന്‍ സിന്ദൂര്‍' എന്ന പേരില്‍ ഇന്ത്യ നടപ്പിലാക്കിയ പ്രത്യാക്രമണത്തില്‍ കൊല്ലപ്പെട്ടവരുടെ മൃതദേഹങ്ങള്‍ ആയിരിക്കും ഇതെന്നാണ് റിപ്പോര്‍ട്ടുകള്‍. ചിത്രങ്ങളും വീഡിയോയും സോഷ്യല്‍ മീഡിയയില്‍ വൈറലായിട്ടുണ്ട്.
ഒരു വീഡിയോയില്‍ പാക്കിസ്ഥാന്‍ സൈനികര്‍ ദേശീയ പതാക പുതപ്പിച്ച ശവപ്പെട്ടി ചുമന്നുപോകുന്നത് കാണാം. ഓപ്പറേഷന്‍ സിന്ദൂറില്‍ കൊല്ലപ്പെട്ട പാക് സൈനികന്റെ മൃതദേഹമായിരിക്കുമോ ഇതെന്നാണ് വീഡിയോയ്ക്കു താഴെ ഉയര്‍ന്നിരിക്കുന്ന ചോദ്യം. തങ്ങളുടെ സൈനികരില്‍ ആരെങ്കിലും കൊല്ലപ്പെട്ടതായി പാക്കിസ്ഥാന്‍ ഇതുവരെ സ്ഥിരീകരിച്ചിട്ടില്ല.
