താന്‍ ദിലീപിനെ വിവാഹം കഴിച്ചതിന് മതിയായ കാരണങ്ങളുണ്ടെന്ന് നടി കാവ്യാ മാധവന്‍. സംഭവിച്ചതെല്ലാം അപ്രതീക്ഷിതമായിരുന്നെന്നും കാവ്യ.
ഒരു മാഗസിന് നല്‍കിയ അഭിമുഖത്തിലാണ് കാവ്യ ഇക്കാര്യം പറയുന്നത്.
തന്നെയും ദിലീപിനെയുംകാള്‍ ഈ വിവാഹം ആഗ്രഹിച്ചത് പ്രേക്ഷകരാണെന്നാണ് കാവ്യ പറയുന്നത്. താന്‍ ഒരു പാര്‍ട്ണറെപ്പറ്റി ഒരു സമയത്ത് ആലോചിക്കുകയും ഒടുവില്‍ അത് ദിലീപേട്ടനില്‍ എത്തുകയുമായിരുന്നു എന്നാണ് കാവ്യയുടെ വെളിപ്പെടുത്തല്‍.
തന്‍റെ പ്രശ്നങ്ങളൊക്കെ പങ്കുവച്ചിരുന്ന ഏറ്റവും അടുത്ത സുഹൃത്തായിരുന്നു ദിലീപെന്നും തന്‍റെ ഈ തീരുമാനത്തെ ആരും എതിര്‍ത്തില്ലെന്നും കാവ്യ പറയുന്നു. തങ്ങളെക്കുറിച്ച് ഒരുപാട് ഗോസിപ്പുകള്‍ പ്രചരിച്ച കാലത്തും ഒരു വിവാഹത്തേക്കുറിച്ച് ആലോചിച്ചിട്ടില്ലെന്നും കാവ്യ വെളിപ്പെടുത്തുന്നു.
വിവാഹത്തിന് ഒരാഴ്ച മുമ്പാണ് ഈ ആലോചന സംഭവിച്ചത്. ഞങ്ങളുടെ ജാതകം ചേര്‍ന്നു. അങ്ങനെ എല്ലാം സംഭവിച്ചു. വിവാഹത്തിന് ഒരു ദിവസം മുമ്പ് മാത്രമാണ് ഞങ്ങളുടെ അടുത്ത ബന്ധുക്കള്‍ പോലും വിവരം അറിഞ്ഞത് - കാവ്യ വ്യക്തമാക്കുന്നു.