അടുത്ത സുഹൃത്തുക്കളാണ് റിമി ടോമിയും സിത്താര കൃഷ്ണകുമാറും.ഗായികയും നടിയുമായ റിമിയുടെ ജന്മദിനമാണ് ഇന്ന്.കോട്ടയം ജില്ലയിലെ പാലാ സ്വദേശിയായ താരത്തിന് ആശംസ പ്രവാഹമാണ് വന്നുകൊണ്ടിരിക്കുന്നത്. നമ്മുടെ നാട് കണ്ടിട്ടുള്ളതില്‍ വച്ച് ഏറ്റവും മിടുക്കിയായ എന്റ്റര്‍റ്റേനറാണ് റിമി എന്ന് പറഞ്ഞു കൊണ്ടാണ് സിത്താരയുടെ ആശംസ.
'അവള്‍ പാടുന്നു, നൃത്തം ചെയ്യുന്നു, അഭിനയിക്കുന്നു, പാചകം ചെയ്യുന്നു, എല്ലാറ്റിനുമുപരിയായി അവള്‍ തന്റെ പ്രേക്ഷകരെ കുറേ സന്തോഷിപ്പിക്കുന്നു. എല്ലാം തികഞ്ഞ ആത്മവിശ്വാസത്തോടെയും നല്ല പെരുമാറ്റരീതിയോടെയും.നിസ്സംശയമായും നമ്മുടെ നാട് കണ്ടിട്ടുള്ളതില്‍ വച്ച് ഏറ്റവും മിടുക്കിയായ എന്റ്റര്‍റ്റേനര്‍. ഞങ്ങളുടെ സുന്ദരിയായ റിമു ഒരു വര്‍ഷം കൂടി ഇളയതാകുന്നു.ഗംഭീര ജന്മദിനാശംസകള്‍ '- സിത്താര കൃഷ്ണകുമാര്‍ കുറിച്ചു.
