ഈ വര്‍ഷത്തെ ഏറ്റവും മികച്ച പബ്ലിക്‌ റിലേഷന്‍സ്‌ ഏജന്‍സിക്കുള്ള അവാര്‍ഡിന്‌ ബ്ലൂ ലോട്ടസ്‌ കമ്മ്യൂണിക്കേഷനെ തെരഞ്ഞടുത്തു. ആഗോള തലത്തിലെ പി ആര്‍ മേഖലയില്‍ വിശ്വാസ്യതയുടെ പ്രതീകമായി വിലയിരുത്തപ്പെടുന്ന പ്രസിദ്ധീകരണങ്ങളിലൊന്നായ ഹോംസ്‌ റിപ്പോര്‍ട്ട്‌ പ്രകാരമാണ്‌ ബ്ലൂ ലോട്ടസിന്‌ ഒന്നാം സ്ഥാനം ലഭിച്ചിട്ടുള്ളത്‌. 2010ലെ ഇന്ത്യന്‍ കണ്‍സല്‍ട്ടന്‍സി സ്ഥാപനമായാണ്‌ ബ്ലൂ ലോട്ടസിനെ തെരഞ്ഞെടുത്തത്‌.
സ്ഥാപനത്തിന്റെ വളര്‍ച്ചയില്‍ സുപ്രധാനമായ നാഴികക്കല്ലാണിതെന്ന്‌ ചീഫ്‌ എക്സിക്യുട്ടീവ്‌ ഓഫിസര്‍ എന്‍ ചൗന്ദ്രമൗലി വ്യക്തമാക്കി. ബ്ലൂ ലോട്ടസ്‌ ഗ്രൂപ്പ്‌ സ്ഥാപനമാണ്‌ ബ്ലൂ ലോട്ടസ്‌ കമ്മ്യൂണിക്കേഷന്‍സ്‌. ഐ നയന്‍ കമ്മ്യൂണിക്കേഷന്‍സ്‌ എന്ന പേരില്‍ മറ്റൊരു പി ആര്‍ സ്ഥാപനം കൂടി ഗ്രൂപ്പില്‍ പ്രവര്‍ത്തിക്കുന്നുണ്ട്‌.