ഇനിയുള്ള കാലം ഇലക്ട്രിക്ക് വാഹനങ്ങളുടേതാണ്. ഈ സാധ്യത കണക്കിലെടുത്ത് നിരവധി കമ്പനികളാണ് ഇപ്പോൾ ഇലക്ട്രിക് ബൈക്കുകളുടെ നിർമ്മാണത്തിൽ ശ്രദ്ധ കേന്ദ്രീകരിക്കുന്നത്. ആമ്പിയർ തങ്ങളുടെ പുതിയ ഇലക്ട്രിക് ബൈക്കുകളെ ഇന്ത്യൻ വിപണിയിൽ അവതരിപ്പിച്ചിരിക്കുകയാണ്. ആംപിയർ V48, ആംപിയർ റിയോ Li-ion എന്നീ ബൈക്കുകളെയാണ് കമ്പനി വിപണിയിൽ അവതരിപ്പിച്ചിരിക്കുന്നത്.
ആംപിയർ V48ന് 38000 രൂപയും ആംപിയർ റിയോ Li-ion 46000 രൂപയുമാണ് ഇന്ത്യൻ വിപണിയിൽ വില. ലിഥിയം അയൺ ബാറ്ററിയാണ് വാഹനങ്ങൾക്ക് പ്രവർത്തിക്കാനാവശ്യമായ വൈദ്യുതി സംഭരിക്കുന്നത്. അഞ്ച് മണിക്കൂറുകൾ കൊണ്ട് ഈ ബാറ്ററി പൂർണ്ണമായും ചാർജ്ജ് ചെയ്യാനാകും എന്നാണ് കമ്പനി പറയുന്നത്.
ഇന്ത്യൻ നിരത്തുകളിൽ ഇലക്ട്രിക് സ്കൂട്ടറുകൾ ഓടിക്കുന്നതിന് വാഹനത്തിന് രജിസ്ട്രേഷനൊ ലൈസൻസൊ ആവശ്യമില്ല എന്നതും ഇലക്ട്രിക് വാഹനങ്ങളുടെ സ്വീകാര്യത വർധിപ്പിക്കുണ്ട്. മണിക്കുറിൽ 25 കിലോമീറ്ററാണ് ഈ വാഹനങ്ങളുടെ പരമാവധി വേഗത. ഒറ്റ ചാർജ്ജിൽ 65 മുതൽ 70 കിലോമീറ്റർ വരെ ദൂരം സഞ്ചരിക്കാൻ ഈ വാഹനങ്ങൾക്കാകും.