ജമൈക്കന്‍ ഇതിഹാഹം ഉസൈന്‍ ബോള്ട്ടിന്റെ കാമുകി ആരെന്നായിരുന്നു ഇതുവരെയുണ്ടായിരുന്ന ചോദ്യങ്ങള്‍. തനിക്ക് പ്രണയിനി ഉണ്ടെന്നും എന്നാല്‍ അത് ആരാണെന്ന് ഇപ്പോള്‍ പറയില്ലെന്നുമാണ് ട്രാക്കിലെ ചീറ്റപ്പുലി പറഞ്ഞിരുന്നത്. ഇതോടെ സൂപ്പര്‍ താരത്തിന്റെ കാമുകിയെപ്പറ്റി അറിയാനുള്ള ആകാംക്ഷയും ശക്തമായി.
ജമൈക്കയിലെ ഫാഷന്‍ ഐക്കണുകളില്‍ പെട്ട കേസി ബെന്നറ്റാണ് ബോള്ട്ടിന്റെ കാമുകിയെന്നാണ് റിപ്പോര്‍ട്ട്. ഇരുവരും രണ്ടു വര്‍ഷമായി പ്രണയത്തിലാണ്. ബോള്‍ട്ട് 100 മീറ്ററില്‍ വിജയം നേടുമ്പോള്‍ ഗ്യാലറിയില്‍ 'മൈ ബേബി' എന്ന് കേസി അലറി വിളിച്ചതോടെയാണ് പ്രണയരഹസ്യം പുറത്തായത്.
കേസി ഓമനപ്പേരിലാണ് ബോള്‍ട്ടിനെ വിളിക്കാറ്. പ്രസിഡന്‍റ് എന്നാണ് കേസി സ്‌നേഹത്തോടെ ട്രാക്കിലെ കരുത്തനെ വിളിക്കുന്നത്. പ്രഥമവനിത എന്ന വിശേഷണമാണ് ബോള്‍ട്ട് കേസിക്ക് നല്‍കിയിരിക്കുന്നത്. ഇരുവരും തമ്മില്‍ ഉടന്‍ വിവാഹം കഴിക്കുമെന്നാണ് പുറത്തു വരുന്ന റിപ്പോര്‍ട്ടുകള്‍.
