സെമി ഫൈനലില്‍ ആദ്യ സെറ്റില്‍ ഇഞ്ചോടിഞ്ച് പോരാട്ടമാണ് നടന്നത്. ഒന്നാം സെറ്റിന്റെ ആദ്യ മിനിറ്റുകളിലെല്ലാം സിന്ധു മികച്ച പ്രകടനം നടത്തി. ഒരു സമയത്ത് നാല് പോയിന്റ് വരെ ലീഡ് സിന്ധുവിന് ഉണ്ടായിരുന്നു. എന്നാല്‍, ഒന്നാം ഗെയിമിന്റെ അവസാനത്തോടെ കാര്യങ്ങള്‍ കൈവിട്ടു. 21-18 എന്ന നിലയിലാണ് സിന്ധു ആദ്യ ഗെയ്മില്‍ തോല്‍വി വഴങ്ങിയത്. രണ്ടാം സെറ്റില്‍ സിന്ധുവിന്റെ പ്രകടനം നിരാശപ്പെടുത്തുന്നതായിരുന്നു. 21-12 എന്ന നിലയിലാണ് രണ്ടാം സെറ്റ് അവസാനിച്ചത്.
