ഇന്ത്യന്‍ സൂപ്പര്‍ ലീഗില്‍ ആദ്യ പോരാട്ടത്തിനായി ഇന്ന് കേരള ബ്ലാസ്റ്റേഴ്സ് ഇറങ്ങും. കൊച്ചിയില്‍ ആദ്യകളിക്ക് ഇറങ്ങുന്ന ബ്ലാസ്റ്റേഴ്സിന് ആവേശമായി സച്ചിന്‍ തെണ്ടുല്‍ക്കറും ഗാലറിയില്‍ എത്തും. ആദ്യ മത്സരത്തില്‍ നോര്‍ത്ത് ഈസ്റ്റ് യുണൈറ്റഡ് ആണ് ബ്ലാസ്റ്റേഴ്സിന്റെ എതിരാളികള്‍.
വെറ്ററന്‍ ഡിഫന്‍ഡര്‍ കാര്‍ലോസ് മാര്‍ച്ചേന മാര്‍ക്വീ താരമായി അണിയിലുണ്ടെങ്കിലും പരിക്കുകാരണം നാട്ടിലേക്ക് മടങ്ങിയിരിക്കുകയാണ്. കഴിഞ്ഞ സീസണില്‍ മികച്ച ഭാവിതാരത്തിനുള്ള പുരസ്കാരം നേടിയ സന്ദേശ് ജിങ്കാന്‍ ദേശീയ ക്യാമ്പില്‍ പങ്കെടുക്കുന്നതിനാല്‍ ബ്ലാസ്റ്റേഴ്സിനു വേണ്ടി കളത്തിലിറങ്ങില്ല.