Indian Hockey,Paris Olympics
ഒളിമ്പിക്സ് ഹോക്കി സെമിഫൈനലില്‍ ഇന്ത്യ ഇന്ന് ജര്‍മനിയെ നേരിടും. ഇന്ത്യന്‍ സമയം രാത്രി 10:30നാണ് പോരാട്ടം. ടെലിവിഷനില്‍ സ്‌പോര്‍ട്‌സ് 18 നെറ്റ്വര്‍ക്കിലും ജിയോ സിനിമയിലും മത്സരം തത്സമയം കാണാനാകും. കഴിഞ്ഞ ടോക്കിയോ ഒളിമ്പിക്‌സില്‍ ജര്‍മനിയെ പരാജയപ്പെടുത്തിയായിരുന്നു 41 വര്‍ഷത്തിന് ശേഷം ഇന്ത്യ ഒളിമ്പിക്സ് ഹോക്കിയില്‍ മെഡല്‍ നേടിയത്. അന്ന് നാലിനെതിരെ അഞ്ച് ഗോളുകള്‍ക്കായിരുന്നു ഇന്ത്യയുടെ വിജയം. മലയാളി താരമായ ഗോള്‍ കീപ്പര്‍ പി ആര്‍ ശ്രീജേഷായിരുന്നു മത്സരത്തില്‍ ഇന്ത്യയുടെ വിജയശില്പി.
