തീവ്രവാദികള്‍ പൊലീസുകാരെ കൊന്ന് വിചാരണത്തടവുകാരനെ കടത്തിക്കൊണ്ട് പോയി

PRO

മേഘാലയയിലെ ദക്ഷിണ ഗാരോ ജില്ലയിലെ വനപ്രദേശത്ത് ഗാരോ നാഷണല്‍ ലിബറേഷന്‍ ആര്‍മിയില്‍പ്പെട്ട തീവ്രവാദികള്‍ അഞ്ച് പൊലീസുകാരെ വെടിവെച്ചുകൊന്നു.

ഗാരോ ഹില്‍ പ്രദേശത്തുനിന്ന് ബാഗ്മാരയിലേക്ക് തടവുകാരനെ കൊണ്ടുപോവുകയായിരുന്നു പൊലീസുകാര്‍. വിചാരണത്തടവുകാരനെ കൊണ്ടുപോവുകയായിരുന്ന പൊലീസ് വാഹനത്തിനുനേരെ ബഞ്ചക്കൊന ഗ്രാമത്തില്‍വെച്ച് ആയുധങ്ങളുമായെത്തിയ തീവ്രവാദികള്‍ വെടിവെക്കുകയായിരുന്നു.

വെടിവെപ്പില്‍ അഞ്ച് പൊലീസുകാര്‍ സംഭവസ്ഥലത്ത് തന്നെ മരിക്കുകയായിരുന്നു. സംഭവസ്ഥലത്ത് നിന്നും പൊലീസിന്റെ മൂന്ന് തോക്കുകളും വെടിയുണ്ടകളും തീവ്രവാദികള്‍ തട്ടിയെടുത്തു. തടവുകാരനെ തീവ്രവാദികള്‍ തട്ടിക്കൊണ്ടുപോയതായും സംശയിക്കുന്നു.