2014ൽ 25 സീറ്റുകളാണ് രാജസ്ഥാനിൽ നിന്നും ലോക്സഭയിലേക്കുണ്ടായിരുന്നത്. ഇതിൽ 25 സീറ്റും തൂത്തുവാരി തങ്ങളുടെ കരുത്ത് കാണിച്ചായിരുന്നു ബിജെപി അധികാരത്തിൽ വന്നത്. ബിജെപിയുടെ ആത്മവിശ്വാസം ഉയർത്തുന്നതായിരുന്നു ആ വർഷത്തെ വിജയം. ശക്തമായ പാർട്ടിയായിരുന്നിട്ടു കൂടി ബിജെപിക്ക് മുന്നിൽ ഒരു സീറ്റ് പോലും നേടാനാകാതെ ദയനീയ പരാജയം കോൺഗ്രസിന് സമ്മതിക്കേണ്ടി വന്നിരുന്നു.
[$--lok#2019#constituency#rajasthan--$]
ബിജെപി അനുകൂല തരംഗമായിരുന്നു 2014ൽ. ആകെയുള്ള 543 സീറ്റുകളിൽ 282 സീ‍റ്റുകളിലും ആധിപത്യം ഉറപ്പിച്ചായിരുന്നു ബിജെപി അധികാരത്തിൽ വന്നത്. കോൺഗ്രസിന്റെ ദയനീയ തോൽ‌വിക്ക് രാജ്യം സാക്ഷിയായി. വെറും 44 സീറ്റുകൾ മാത്രമാണ് കോൺഗ്രസിനു നേടാനായത്. ജയലളിതയുടെ പാർട്ടിയായ എ ഐ എ ഡി എം കെ 37 സീറ്റുകൾക്കാണ് തമിഴ്നാട്ടിൽ ജയിച്ചത്. തൃണമൂൽ കോൺഗ്രസിന് 34 സീറ്റുകളിലാണ് ശക്തി തെളിയിക്കാനായത്.