ബൈക്കില്‍ കയറ്റാത്തതിന്റെ വൈരാഗ്യത്തില്‍ വര്‍ക്കലയില്‍ 15ദിവസം മുമ്പ് വാങ്ങിയ ബൈക്ക് കത്തിച്ചു; യുവാവിനെതിരെ കേസ്
വെള്ളി, 9 ഡിസം‌ബര്‍ 2022 (08:32 IST)
ബൈക്കില്‍ കയറ്റാത്തതിന്റെ വൈരാഗ്യത്തില്‍ വര്‍ക്കലയില്‍ ബൈക്ക് കത്തിച്ച യുവാവിനെതിരെ കേസ്. 15ദിവസം മുന്‍പ് വാങ്ങിയ ബൈക്കാണ് കത്തിച്ചത്. സംഭവത്തില്‍ പ്രതിയായ പില്ലാന്നികോട് സ്വദേശി നിഷാന്ത് ഒളിവിലാണ്. ഇയാളുടെ അയല്‍വാസിയും സുഹൃത്തുമായ വിനീതിന്റെ ബൈക്കാണ് കത്തിച്ചത്.
പുലര്‍ച്ചെയായിരുന്നു സംഭവം. പെട്രോള്‍ ടാങ്ക് പൊട്ടിത്തെറിക്കുന്ന ശബ്ദം കേട്ടാണ് വിനീതും വീട്ടുകാരും ഉണര്‍ന്നത്. നിഷാന്തിനായി പൊലീസ് അന്വേഷണം ആരംഭിച്ചു.