പൂഞ്ഞാര്‍: കോട്ടയം ജില്ലയിലെ പൂഞ്ഞാര്‍ തെക്കേക്കര ഗ്രാമ പഞ്ചായത്തിലെ പന്ത്രണ്ടാം വാര്‍ഡായ കടലാടിമറ്റത്തെ വോട്ടര്‍മാര്‍ ഇപ്പോള്‍ വിഷമത്തിലായിരിക്കുകയാണ്. ഈ വാര്‍ഡില്‍ മത്സരിക്കുന്ന മൂന്നു മുന്നണികളിലെയും സ്ഥാനാര്‍ത്ഥികള്‍ വനിതകളാണ് എന്നതല്ല, മൂന്നു പേരും നിഷമാരാണ് എന്നത് തന്നെ.
2005 ലൊഴികെ മറ്റെല്ലാ തെരഞ്ഞെടുപ്പുകളിലും ഇതുവരെ എല്‍.ഡി.എഫ് സ്ഥാനാര്ഥികളാണ് ഇവിടെ വിജയിച്ചത്. എന്നാല്‍ ഈ മൂവര്‍ക്കുമെതിരെ സ്ഥലം എംഎല്‍എ ആയ പി.സി.ജോര്‍ജ്ജിന്റെ ജനപക്ഷം സ്ഥാനാര്‍ത്ഥിയായി ഓമനാ ഭാസിയും ഒരു കൈ നോക്കാന്‍ തയ്യാറെടുക്കുകയാണ്.