വാഹനപരിശോധനയ്ക്കിടെ ഇരുപത്തിരണ്ടര ലക്ഷം രൂപയുടെ കുഴല്‍പ്പണം പിടികൂടി. തമിഴ്നാട്ടില്‍ നിന്ന് എറണാകുളം ഭാഗത്തേക്ക് കൊണ്ടുപോവുകയായിരുന്നു പണമെന്ന് കണ്ടെത്തി.
ദേശീയ പാതയിലെ കുതിരാനില്‍ നടന്ന വാഹനപരിശോധനയിലാണ് കാറിനുള്ളില്‍ സ്യൂട്ട്കേസില്‍ അടുക്കിവച്ചിരുന്ന വസ്ത്രങ്ങള്‍ക്കിടയില്‍ ഒളിപ്പിച്ച നിലയിലായിരുന്ന നോട്ടുകെട്ടുകള്‍ കണ്ടെടുത്തത്. കാറിനുള്ളില്‍ ഉണ്ടായിരുന്ന രണ്ട് പേരെയും ചോദ്യം ചെയ്തപ്പോള്‍ പരസ്പര വിരുദ്ധമായി സംസാരിച്ചതാണു വാഹനം വിശദമായി പരിശോധിക്കാനിടയായത്.
പിടിച്ചെടുത്ത നോട്ടുകള്‍ മുഴുവനും 500, 1000 എന്നീ നോട്ടുകളായിരുന്നു. കൂടുതല്‍ വിവരങ്ങള്‍ അറിവായിട്ടില്ല.