തിരുവനന്തപുരം: അതിഥിതൊഴിലാളികളുടെ മടക്കടിക്കറ്റ് നൽകാൻ കെപിസിസി തയ്യാറാണെന്ന് വ്യക്തമാക്കാൻ വിളിച്ചുചേർത്ത വാർത്താസമ്മേളനം അതിവേഗത്തിൽ അവസാനിപ്പിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ.പാർട്ടിയിലെ ഗ്രൂപ്പ് തർക്കങ്ങളെ ചൊല്ലിയുള്ള ചോദ്യങ്ങൾ ഒഴിവാക്കാനായാണ് ഒരു മിനിട്ട് മാത്രമായി വാർത്താസമ്മേളനം ഒതുക്കിയതെന്നാണ് വിമർശനം.
കേരളത്തിലേക്കുള്ള പ്രവാസികളുടെ മടങ്ങി വരവ്, അതിഥി തൊഴിലാളികളുടെ തിരിച്ചു പോക്ക് എന്നിങ്ങനെ വിവിധ വിഷയങ്ങൾ സജീവമായി നിൽക്കുമ്പോളാണ് മുല്ലപ്പള്ളി വാർത്താസമ്മേളനം വിളിച്ചത്. എന്നാൽ വാർത്താസമ്മേളനത്തിൽ 20 മിനുട്ട് വൈകിയെത്തിയ അദ്ദേഹം മൂന്ന് വരിയിൽ വാർത്താസമ്മേളനം അവസാനിപ്പിക്കുകയും ചെയ്‌തു.