ഇടുക്കി കൊക്കയാറില്‍ ഉരുള്‍പൊട്ടല്‍ സാധ്യതയെ തുടര്‍ന്ന് ആളുകളെ മാറ്റി പാര്‍പ്പിച്ചു. രാത്രി ആളുകള്‍ ക്യാമ്പിലേക്ക് മാറണമെന്ന് പ്രാദേശിക ഭരണകൂടം നിര്‍ദ്ദേശം നല്‍കുകയായിരുന്നു. സി എസ് ഐ ചര്‍ച്ച് പാരീഷ് ഹാളിലാണ് ക്യാമ്പ് ഒരുക്കിയിരിക്കുന്നത്. ഇടുക്കി ജില്ലയില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ടായിരുന്നു. 2021 ഒക്ടോബറിലുണ്ടായ ഉരുള്‍പൊട്ടലില്‍ 9 പേര്‍ക്ക് ജീവന്‍ നഷ്ടപ്പെട്ടിരുന്നു. പൂവഞ്ചിയില്‍ ഏഴുപേരും കൊക്കയറില്‍ ഒരാളും പുല്ലകയാറില്‍ ഒരാളുമാണ് മരിച്ചത്.
കൂടാതെ 135 വീടുകള്‍ പൂര്‍ണമായി തകരുകയും 100 വീടുകള്‍ ഭാഗികമായി നശിക്കുകയും ചെയ്തിരുന്നു. ഇപ്പോള്‍ പത്ത് കുടുംബങ്ങളെയാണ് സ്ഥലത്തുനിന്നും മാറ്റിപ്പാര്‍പ്പിച്ചിരിക്കുന്നത്.