കോട്ടയം രാമപുരത്ത് മൂന്ന് പെണ്‍മക്കളുടെ കഴുത്തറുത്ത ശേഷം പിതാവ് ആത്മഹത്യ ചെയ്തു. രാമപുരം ചേറ്റുകുളം സ്വദേശി ജോമോന്‍(40)) ആണ് മരിച്ചത്. വിദ്യാര്‍ഥിനികളായ 13,10 വയസ്സ് വീതം പ്രായമുള്ള പെണ്‍കുട്ടികളുടെ കഴുത്തറുത്ത ശേഷം ഇയാള്‍ തൂങ്ങിമരിക്കുകയായിരുന്നു. പരിക്കേറ്റ ഒരു പെണ്‍കുട്ടിയെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. 7 വയസ്സുകാരിയായ ഈ പെണ്‍കുട്ടിയുടെ നില അതീവഗുരുതരമാണ്.
കഴിഞ്ഞ ദിവസം രാത്രി 12:30 ഓടുകൂടിയാണ് അതിദാരുണമായ സംഭവം നടന്നത്. പെണ്‍കുട്ടികളുടെ നിലവിളികള്‍ കേട്ട് അയല്‍വാസികളെത്തിയപ്പോഴാണ് സംഭവം പുറത്തറിയുന്നത്. രാമപുരം പോലീസ് സ്ഥലത്തെത്തിയപ്പോഴേക്കും പിതാവിനെ തൂങ്ങി മരിച്ച നിലയിലാണ് കണ്ടെത്തിയത്. ഭാര്യയുമായി ഒന്നരവര്‍ഷമായി അകന്ന് കഴിയുന്ന ജോമോന്‍ പെണ്‍കുട്ടികള്‍ക്കൊപ്പമാണ് താമസിച്ചിരുന്നത്. കുടുംബപ്രശ്‌നങ്ങളാണ് ഈ കൊടും ക്രൂരതയ്ക്ക് പ്രേരിപ്പിച്ചതെന്നാണ് പോലീസ് നല്‍കുന്ന സൂചന.