മേയര്‍ ആര്യാ രാജേന്ദ്രനെതിരെ അധിക്ഷേപ പരാമര്‍ശങ്ങള്‍ നടത്തിയ എല്ലാ പ്രൊഫൈലുകളും പരിശോധിച്ച് പരാതി നല്‍കിയെന്ന് സച്ചിന്‍ ദേവ് എംഎല്‍എ. കൂടാതെ ആര്യക്കെതിരായി അസഭ്യ സന്ദേശങ്ങളും കമന്റുകളും പരസ്യപ്പെടുത്തിയ ഒരാളെ പൊലീസ് അറസ്റ്റ് ചെയ്തിട്ടുണ്ടെന്നും സച്ചിന്‍ദേവ് പറഞ്ഞു. താന്‍ ദൃശ്യ മാധ്യമങ്ങളിലൂടെയും സാമൂഹ്യ മാധ്യമങ്ങളിലൂടെയും തുടര്‍ച്ചയായി വ്യക്തിഹത്യ നേരിടുന്നുണ്ടെന്ന് മേയര്‍ ആര്യാ രാജേന്ദ്രനും പറഞ്ഞിരുന്നു.
നേരത്തേ സോഷ്യല്‍ മീഡിയയിലൂടെയുള്ള ആക്ഷേപങ്ങളെയും അപകീര്‍ത്തികരമായ പരാമര്‍ശങ്ങളെയും വേണ്ടത്ര മുഖവിലയ്ക്കെടുക്കാറില്ലായിരുന്നു. എന്നാല്‍ ഇത്തവണ അധിക്ഷേപകരമായ പരാമര്‍ശങ്ങള്‍ നടത്തിയ എല്ലാ പ്രൊഫൈലുകളും പ്രത്യേകമായി പരിശോധിച്ച് ഉന്നത പൊലീസ് ഉദ്യോഗസ്ഥര്‍ക്ക് പരാതി കൊടുത്തുവെന്ന് സച്ചിന്‍ദേവ് പറഞ്ഞു.